GreatDaily

老母介紹左佢同鄉個女比我識，whatsapp望過下樣，雖然重裝甲，但都唔錯。 傾過幾次計，尋晚約左出黎見面。

講到相體都不外乎行街睇戲食飯，我地6點係銅鑼灣等，本身約左7點半睇戲，但屌佢老母佢夠膽死同我買化妝品行到7點九都未撚走，我催左佢幾次佢都話等一陣，最後仲扮唔夠錢要我幫佢碌住先，好，500幾蚊我豪比你。

之後到戲院，我想睇葉問，但出於尊重我都問佢睇邊套，佢話無所謂，之後我問佢睇唔睇葉問，佢又話唔睇。 最後問左勁耐佢先話睇星戰，但屌你老母得返最前排有2人位，最後我都死死氣買左飛入去。

點撚知入左去10分鐘佢就話悶，我叫佢忍下，之後佢話肚餓，最後仲發脾氣走埋。

我出於專重我老母，我忍。本身諗住請佢食埋晚餐就當豪比佢返去同老母交代。

隔離有間太興我問佢食唔食，佢又話唔健康唔食。我忍。我問佢想食咩，佢又叫我決定，之後我講左幾十個選擇，佢一一bam曬。 最後我地去左酒樓食。

當時我已經慶撚到仆街，諗住叫2，3碟小菜就算，但我屌你老母你條臭西夠膽死同我叫蒸條海斑。 我個刻我決定唔撚忍佢，我就扮曬大方話有咩隨便叫，不如我地要2隻波士頓龍蝦，再要半隻片皮鴨啦。佢梗係開心啦，如是者我地食左餐非常豐富既晚餐。當我地食完珍貴既燕窩桂花糕之後。我有禮貌地同佢講我要去洗手間。

但事實上我係後門走撚左，10分鐘後佢whatsapp我問我有無事。我係的直上望到依句我笑出聲，司機望一望我繼續渣車。

最後我關上電話，嘗試幻想佢拎住張2300蚊既單嬲到震咁拎張卡出黎個西樣，我個刻知道，我做得無錯！

最後我收到既係長達30次既call同夾埋超過20分鐘既屌你老母。 但依個係我人生中比人屌得最開心既經歷

npnt 沒圖沒真相 求真相