搞寸怡謙婚宴 馬明 洪永城借醉互屌~~~~~~~~~ - npnt

 

正所謂「兄妹真有趣,不需要分居,忘記輩份再追……」馬國明與唐詩詠呢對契兄妹多年來關係糾纏不清、曖曖昧昧,就算詩詠年半前與洪永城(Tony)拍拖,黃金筍盤 馬明 仍在契妹身邊守候,唐詩詠亦樂於周旋契哥和男友之間爭風呷醋。早前三人在楊怡、羅仲謙婚宴上碰頭,兩男一女碰頭得個嬲字,情敵見面更大力碰杯兼有言語衝突,婚宴現場頓變成戰場!

上星期日,怡謙大婚假六星級Ritz Carlton酒店舉行, 馬明 和詩詠擔任兄弟姊妹團,攞正牌由接新娘到送客對足全日,九時半先到達的Tony當然眼火爆!據現場賓客透露,終於得閒的詩詠坐埋Tony度唔夠五分鐘就被 馬明 帶走去敬酒,Tony個面口即時鑊燶咁黑,坐喺度自隊紅酒!

其後成班兄弟姊妹跟住對新人逐檯敬酒,去到Tony嗰檯時,情敵 馬明 竟然主動同Tony敬酒,擺明係挑機!本來Tony轉身想閃,但後來就轉過頭大聲講︰「嚇?邊位呀?啊﹗飲杯﹗」然後將手上杯酒大力撞落馬明隻酒杯度,搞到啲紅酒濺咗出 馬明 隻手度,爭啲爆杯!

馬明 當時黑面離去,而詩詠就勁嬲咁厲住Tony,幸好有豹哥(單立文)打圓場先令氣氛緩和番!

 

事後馬明接受本刊訪問,對於與Tony在婚宴上開火,佢就例牌否認,不過語帶雙關指和洪永城可組「情敵檔」,直認二人係情敵關係!

至於Tony方面,佢一聽到記者提起 馬明 就勁大反應︰「點解無端端問我同馬明?」,又自爆有結婚打算。但明明詩詠早前揚言冇計劃,等個天安排。到底係二人未有對口供,定Tony未氹番掂女友呢﹗

全文完

 

 

文章來源

npnt

喜歡?給個讚吧 :)
網友推薦